پاکستان کے دلیر سپوت، جرأت و بہادری اور حب الوطنی کے عظیم نشان میجر شبیر شریف شہید (نشانِ حیدر) کا 53 واں یوم شہادت آج ملک بھر میں عقیدت و احترام سے منایا جا رہا ہے۔

میجر شبیر شریف شہید وہ منفرد شخصیت ہیں جنہیں پاکستان کے اعلیٰ ترین فوجی اعزاز نشانِ حیدر اور ستارۂ جرأت سے نوازا گی

میجر شبیر شریف نے اپنی بے مثال بہادری کے ذریعے 1965 اور 1971 کی جنگوں میں دشمن کو عبرت ناک شکست دی۔

1965 کی جنگ میں شاندار کارکردگی پر انہیں ستارۂ جرأت سے نوازا گیا۔

1971 کی جنگ میں سلیمانکی سیکٹر میں بھارتی فوج کے بھاری توپ خانے اور ٹینکوں کا مردانہ وار مقابلہ کرتے ہوئے دشمن کے عزائم خاک میں ملادیے۔

اسی دوران دشمن کے ٹینک کا راؤنڈ لگنے سے میجر شبیر شریف نے جام شہادت نوش کیا.

آج یوم شہادت کے موقع پر چیئرمین جوائنٹ چیفس آف اسٹاف کمیٹی، تینوں مسلح افواج کے سربراہان، اور پوری قوم نے میجر شبیر شریف شہید کو خراج عقیدت پیش کرتے ہوئے ان کی قربانیوں کو یاد کیا۔

میجر شبیر شریف شہید کا خون مادروطن کے دفاع کے لیے قربان ہوا، جس پر پوری قوم ان کے جذبے اور عزم کو سلام پیش کرتی ہے۔ ان کی بہادری اور قربانی آئندہ نسلوں کے لیے مشعل راہ ہیں۔

میجر شبیر شریف شہید کی شاندار خدمات اور ان کی قربانی ہمیشہ پاکستان کی تاریخ میں سنہری حروف میں لکھی جائیں گی۔