ملتان میں سرائیکستان نوجوان تحریک نے چوک کمہارانوالہ نونمبر روڈ پر ایک عظیم الشان ریلی کا انعقاد کیا، جس کا مقصد پاک فوج کے شہداء کو خراجِ عقیدت پیش کرنا تھا۔

 ریلی کی قیادت سرائیکستان نوجوان تحریک کے چیئرمین مہر مظہر عباس کات نے کی، جنہوں نے خطاب کرتے ہوئے کہا کہ پاکستان کی فوج نے ملکی دفاع میں بے شمار قربانیاں دی ہیں، جنہیں دنیا بھر میں سراہا جا رہا ہے۔

ریلی میں شرکاء نے پاک فوج زندہ باد اور شہداء پاک فوج کو سلام کے نعرے لگائے۔

مہر مظہر عباس کات نے مزید کہا کہ “تمام قوم پاک فوج کے ساتھ کھڑی ہے اور چند شر پسند عناصر جو غیر ملکی فنڈنگ پر فوج کے خلاف پروپیگنڈا کر رہے ہیں، ان کے خلاف حکومت کو فوری کارروائی کرنی چاہیے۔”

ریلی میں سرائیکستان نوجوان تحریک کے کارکنوں کی بڑی تعداد نے شرکت کی، اور مختلف مقامات سے آنے والے شہریوں نے بھی اس نیک مقصد میں حصہ لیا۔

مہر مظہر عباس کات نے اس موقع پر قوم سے اپیل کی کہ وہ اپنے شہداء کی قربانیوں کو ہمیشہ یاد رکھیں اور وطن کی حفاظت میں پاک فوج کا ساتھ دیں۔

اس موقع پر ایک پرامن ماحول میں پاک فوج کے شہداء کو خراجِ عقیدت پیش کیا گیا، اور ملک کی دفاعی صلاحیتوں کا اعادہ کیا گیا۔