بھارتی میڈیا نے دعویٰ کیا ہے کہ آئی سی سی نے چیمپئنز ٹرافی کے لیے ہائبرڈ ماڈل کی منظوری دے دی، جس کے تحت پاکستان اور بھارت کے میچ دبئی میں ہوں گے

انٹرنیشنل کرکٹ کونسل (آئی سی سی) نے چیمپئنز ٹرافی 2025 کے لیے ہائبرڈ ماڈل کی منظوری دے دی ہے جس کے تحت پاکستان اور بھارت کے درمیان میچ دبئی میں ہوں گے۔

بھارتی میڈیا کے مطابق آئی سی سی کے اس فیصلے کے مطابق چیمپئنز ٹرافی کے میچز پاکستان اور دبئی میں کھیلے جائیں گے، جبکہ 2026 کے ٹی 20 ورلڈکپ میں پاکستان اور بھارت کا مقابلہ کولمبو میں ہوگا۔

پاکستان کرکٹ بورڈ (پی سی بی) اور بھارتی کرکٹ بورڈ (بی سی سی آئی) اس معاہدے پر رضامند ہوگئے ہیں، جس میں پاکستان کو 2027 کے آئی سی سی ویمنز ٹورنامنٹ کی میزبانی بھی ملے گی۔

بھارتی میڈیا کے مطابق، پی سی بی اس معاہدے کے لیے کوئی مالی معاوضہ وصول نہیں کرے گا۔