بھارتی پولیس نے بزرگ حریت رہنما سیدعلی گیلانی شہید کے گھراوردفترپرچھاپہ مارکران کے گھر سے کتب اوراہم دستاویزات ضبط کرلیں۔

کشمیر میڈیا سروس کے مطابق بھارتی پولیس نے تحریک حریت جموں وکشمیرکےدفترکی بھی تلاشی لی، سید علی گیلانی کی کتب اوراہم دستاویزات ضبط کرلیں۔

کل جماعتی حریت کانفرنس نے سید علی گیلانی شہید کے گھر اور تحریک حریت کے دفتر پر چھاپو ں کی شدید الفاظ میں مذمت کی ہے۔

کشمیر میڈیا سروس کی جانب سے جاری بیان کے مطابق بھارتی پولیس کی گزشتہ ایک برس میں 100 سے زائد سیاسی و شہری رہنماؤں کے گھروں پرکارروائیاں جاری ہیں۔

کے ایم ایس کے مطابق سیاسی دفاترپرچھاپوں کے دوران دستاویزات اور الیکٹرانک آلات ضبط کر لیے جاتے ہیں، 80 سے زائد سماجی تنظیموں کے دفاتر پرچھاپے مارے گئے اورفنڈنگ سے متعلق تحقیقات کیں۔