انگلینڈ نے ٹیسٹ کرکٹ میں پانچ لاکھ رنز مکمل کر کے ایک نئی تاریخ رقم کر دی۔

یہ سنگ میل نیوزی لینڈ کے خلاف جاری دوسرے ٹیسٹ کے دوران عبور کیا گیا، جو انگلش ٹیم کا 1082 واں ٹیسٹ میچ ہے۔

 انگلینڈ اب ٹیسٹ کرکٹ کی تاریخ میں پانچ لاکھ رنز بنانے والی پہلی ٹیم بن گئی ہے۔

اس فہرست میں آسٹریلیا 4 لاکھ 28 ہزار 794 رنز کے ساتھ دوسرے نمبر پر ہے، جبکہ بھارت 2 لاکھ 78 ہزار 700 سے زائد رنز کے ساتھ تیسرے نمبر پر ہے۔

انگلینڈ کے پاس ٹیسٹ کرکٹ میں سب سے زیادہ سنچریاں بنانے کا ریکارڈ بھی موجود ہے، جس میں 929 سنچریاں شامل ہیں۔ آسٹریلوی بلے بازوں نے اب تک 892 سنچریاں بنائی ہیں۔

یہ سنگ میل انگلینڈ کے لیے ایک اہم کامیابی ہے، جو نہ صرف اس کی بلے بازی کی مضبوطی کا غماز ہے بلکہ ٹیسٹ کرکٹ میں اس کے تسلسل اور کامیابی کا بھی عکاس ہے۔