ائرچیف مارشل نے کہا ہے کہ خطے میں طاقت کے توازن کو برقرار رکھنا ہماری ذمے داری ہے، پاکستان نیوی سمندری حدود کی حفاظت میں کلیدی کردارادا کر رہی ہے۔

کراچی میں پاکستان نیول اکیڈمی کی پاسنگ آؤٹ پریڈ کی تقریب سے خطاب کرتے ہوئے ائرچیف مارشل ظہیراحمد بابرسدھونے خطاب کرتے ہوئے کہا کہ خطے میں طاقت کے توازن کوبرقراررکھنا ہماری ذمےداری ہے، تمام ترچیلنجز کا ڈٹ کرمقابلہ کرنا ہے۔

ائرچیف مارشل ظہیراحمد بابرسدھونے کہا کہ جدید ٹیکنالوجی کوتربیتی کورسزکا ضروری حصہ بنا دیا گیا ہے، تمام کیڈٹس اورجوان جدیدٹیکنالوجی سے بہرہ مند ہورہے ہیں، پریڈ میں بہترین ڈسپلن اعلیٰ تربیت کا مظہرہے۔

ائرچیف نے کہا کہ پاکستان نیول اکیڈمی دنیا کے بہترین تربیتی اداروں میں شامل ہے، پاس ہونے والے تمام کیڈٹس کومبارکباد پیش کرتا ہوں، سری لنکا کے پریڈ شپ مین بھی آج پاسنگ آؤٹ پریڈ میں شامل ہیں۔

ائرچیف ظہیراحمد بابرسدھو نے خطاب میں مزید کہا کہ پاکستان نیوی سمندری حدود کی حفاظت میں کلیدی کردارادا کر رہی ہے۔

122 ویں مڈشپ مین، 30 ویں شارٹ سروس کمیشن کورس کی پاسنگ آؤٹ پریڈ میں کمیشن حاصل کرنیوالے 73 میں سے 50 مڈشپ مین، 29 ایس ایس سی کورس افسران شامل ہیں۔

مہمان خصوصی ائرچیف مارشل ظہیراحمد سدھونے کیڈٹس میں انعامات تقسیم کیے، فلسطین، سری لنکا اورجبوتی کے کیڈٹس بھی پاس آؤٹ ہوئے۔