وزیراعظم نے کہا ہے کہ بجلی کی قیمتوں میں کمی سے متعلق وفاق اورصوبے ملکرکرداراداکریں، بجلی کی قیمتوں میں کمی کے بغیرترقی ممکن نہیں۔

اسلام آباد میں وفاقی کابینہ کے اجلاس میں گفتگو کرتے ہوئے وزیراعظم شہبازشریف نے کہا کہ یو اے ای کے رہنما سے سرمایہ کاری کے حوالے سے بڑی مثبت بات ہوئی ہے۔ یو اے ای کے صدر نے سرمایہ کاری میں بھرپور تعاون کا یقین دلایا ہے۔

وزیراعظم شہبازشریف نے کہا کہ یواے ای نے رواں ماہ واجب الادا2ارب ڈالررول اوورکرنے کا فیصلہ کیا، اپنے اہداف حاصل کرنے کیلئے پُرعزم ہیں، متحدہ عرب امارات اور پاکستان کےتعلقات تاریخی حیثیت رکھتے ہیں۔

وزیراعظم نے کابینہ اجلاس میں گفتگوکرتے ہوئے کہا کہ اڑان پاکستان پروگرام کا آغازملکی معیشت کی جانب اہم قدم ہے، بجلی کی قیمتوں میں کمی سے متعلق وفاق اورصوبے ملکرکرداراداکریں، بجلی کی قیمتوں میں کمی کے بغیرترقی ممکن نہیں۔

انھوں نے کہا کہ انڈونیشیاکے صدرجلدپاکستان کادورہ کریں گے، ملائیشیا کےساتھ ہمارے برادرانہ تعلقات ہیں، معاشی سفارتکاری کیلئے کوششوں کے ثمرات آ رہے ہیں، ٹیکسٹائل کے شعبے اوربرآمدات میں اضافہ ہورہا ہے۔

وزیراعظم نے کہا کہ پاکستان کی خوشحالی اورترقی کیلئے سمیڈاکاکردارکلیدی ہے، چھوٹے اوردرمیانےکاروبارکےفروغ کیلئےترجیحی اقدامات کررہے ہیں، باہمی تعلقات کومضبوط کرنے کے اقدامات، سرمایہ کاری پرگفتگوہوئی۔