بھارتی کرکٹ بورڈ کی جانب سے پاکستان کے ساتھ کرکٹ نہ کھیلنے کے اعلان کے بعد چیمپیئنز ٹرافی اور ایشیاکپ جیسے ایونٹس کا مستقبل کیا ہوگا؟ کرکٹ حلقوں میں بحث چھڑ گئی۔

کسی بھی واقعے کو جواز بنا کر کھیل کے میدان سے بھاگ جانا بھارتی کرکٹ بورڈ کی پرانی روش ہے جسے بی سی سی آئی نے اپنی حکومت کی ایما پرپھر سے برقرار رکھا اور پہلگام واقعے کو جواز بنا کر پاکستان کے ساتھ کرکٹ کھیلنے سے انکارکردیا۔

بھارتی کرکٹ بورڈ اپنی حکومت کے دباؤمیں آگیا اورایک مرتبہ پھر کھیل کے میدان میں سیاست کو لے آیا۔

پہلگام واقعے کی آڑ میں بھارتی کرکٹ بورڈ نے مستقبل میں پاکستان کے ساتھ کسی بھی قسم کی کرکٹ کھیلنے سے صاف انکارکرتے ہوئے اس بات کو بھی نظر انداز کردیا کہ مستقبل میں اسے آئی سی سی کے مختلف ایونٹس میں پاکستان کا سامنا کرنا پڑے گا۔

مزید پڑھیں: کے ایل راہول کا جوشیلہ انداز، سابقہ فرنچائزز کو شرٹ پر لکھا ’’نمبرون‘‘ دکھا دیا

بھارتی کرکٹ بورڈ کے ترجمان کا اس حوالے سے کہنا ہے کہ سیکیورٹی مسائل کے سبب پاکستان کے ساتھ کسی بھی قسم کی کرکٹ نہیں کھیلنے کافیصلہ کیا گیا ہے ۔
انہوں نے دھمکی دی کہ آئی سی سی ایونٹس میں بھی پاک بھارت میچز پر نظرثانی کی جاسکتی ہے۔

بھارتی بورڈ کے سیاسی رویے کے بعد ایشیاکپ اور چیمپیئنز ٹرافی جیسے ایونٹس پر سوالیہ نشان لگ چکے ہیں۔ پاکستانی کرکٹ بورڈ کی جانب سے بھارتی کرکٹ بورڈ کی طرف سے اب تک باضابطہ ردعمل سامنے نہیں آیا ہے۔

پاکستان اور بھارت کی ٹیمیں صرف آئی سی سی ایونٹس میں ہی ایک دوسرے مدمقابل آتی ہیں،گزشتہ 13 سال سے دونوں ممالک کے درمیان کوئی ون ڈے سیریز نہیں کھیلی گئی ۔ آخری بار ون ڈے سیریز2012 میں کھیلی گئی تھی ۔