آرمی چیف جنرل سید عاصم منیر کی ایئرہیڈکوارٹرز کادورہ کیااور پاک فضائیہ کو دشمن کے مذموم منصوبے ناکام بنانے پرخراج تحسین پیش کیا۔

ایئرہیڈکوارٹرزپہنچنے پر چیف آف ایئراسٹاف  ائیر چیف مارشل ظہیر احمد بابر سدھو نے آرمی چیف جنرل سید عاصم منیر کا گرم جوشی سے استقبال کیا۔

آرمی چیف جنرل سید عاصم منیر نے ائیر فورس کے شاہینوں کو بھارت کی طرف سے کی جانے والی جارحیت کے مذموم منصوبے کو فوراً ناکام بنانے پر خراج تحسین پیش کیا۔

آرمی چیف نے پاکستان ائیر فورس کو ایک بار پھر دشمن کے متعدد جہاز مار گرانے اور اپنا لوہا منوانے پر بے حد سراہا  اور تینوں سروسز کے مابین بہترین تعاون کو بھی سراہا۔

ملاقات کے دوران  اس عزم کو دہرایاگیا کے کسی کو بھی پاکستان کی جغرافیائی سالمیت کی خلاف ورزی نہیں کرنے دی جائے گی اور جو بھی اس کی کوشش کرے گا اس کی قیمت ادا کرے گا۔