مرکزی رویت ہلال کمیٹی نے پاکستان میں کہیں بھی چاند نظرنہ آنے کااعلان کردیا۔ پاکستان میں عیدالاضحیٰ 7 جون  بروز ہفتے کومنائی جائے گی ۔

مزکرزی رویت ہلال کمیٹی اورزیلی کمیٹیوں کا اجلاس منگل کو منقعد ہوا۔اجلاس کی صدارت رویت ہلال کمیٹی کے چیئرمین  مولانا عبدالخبیر آزاد نے کی۔

مزید پڑھیں : چاند سے متعلق سپارکو نے کیا امکانات ظاہر کیے ؟

لاہور اور کراچی کی زونل کمیٹیوں کی جانب سے چاند نظر نہ آنے کی اطلاعات موصول ہوئیں۔ بلوچستان  اورخیبر پختونخوا میں بھی کہیں چاند نظر نہیں آیا۔

چاند نظرنہ آنے کا باضابطہ اعلان  رویت ہلال کمیٹی کے چیئرمین  مولانا عبدالخبیر آزاد نے کیا۔

عبدالخبیر آزادنے پریس کانفرنس میں کہاکہ یکم ذوالحجہ 29مئی کو ہوگی۔ انہوں نے کہا کہ پہلگام واقعہ کی آڑ میں پاکستان پر مودی نے بے بنیاد الزامات لگائے جنہیں وہ ثابت نہ کرسکا۔

ان کاکہناتھاکہ بھارت نے حملہ کیا جس کا منہ توڑ جواب دیا گیا۔ عبدالخبیرآزاد نے کہاکہ اگر بھارت نے پھر کوئی حماقت کی تو پہلے سے بھی سخت جواب دیا جائے گا۔

انہوں نے کہاکہ قوم وزیر اعظم شہبازشریف اورفیلڈ مارشل سید عاصم منیر کوسلام پیش کرتی ہے۔