بنگلہ دیش کے خلاف ٹی 20 سیریز کیلیے پی سی بی نے کوچنگ اسٹاف کا اعلان کردیا ہے۔

پی سی بی کے مطابق بنگلہ دیش کے خلاف مائیک ہیسن پاکستان کرکٹ ٹیم کے ہیڈ کوچ ہوں گے جبکہ اظہر محمودکو اسسٹنٹ کوچ کے عہدے سے ہٹا دیاگیا ہے۔

پی سی بی کی جانب سے ٹیم کے بولنگ اور بیٹنگ کوچ کی تقرری بھی کر دی گئی ہے، حنیف ملک کو بیٹنگ کوچ بنایا گیا ہے، جبکہ ایسلے نوفکل کو باولنگ کوچ بنایا گیا ہے، محمد مسرور فیلڈنگ کوچ ہوں گے۔

مزید پڑھیں: پاکستان بمقابلہ بنگلہ دیش، میتھیو ہیڈن کا قومی کرکٹ ٹیم کے لیے نیک خواہشات کا اظہار

قبل ازیں، پاکستان اور بنگلہ دیش کے درمیان تین میچز پر مشتمل ٹی ٹوئنٹی سیریز کے لیے بنگلہ دیش کرکٹ ٹیم کا پہلا گروپ لاہور پہنچ گیا ہے۔ جس میں کھلاڑیوں اور دیگر اسٹاف کے ارکان شامل ہیں۔ ٹیم کے دیگر اراکین اتوار کی رات لاہور پہنچیں گے۔

یہ سیریز 28 مئی سے شروع ہوکر 1 جون تک لاہور کے قذافی اسٹیڈیم میں کھیلی جائے گی۔ سیریز کے تمام میچز لاہور کے قذافی اسٹیڈیم میں کھیلے جائیں گے۔ پہلا میچ 8 مئی، دوسرا میچ 30 مئی اور تیسرا یکم مئی کو قذافی اسٹیڈیم میں کھیلا جائے گا۔

تمام میچز پاکستانی وقت کے مطابق رات 8 بجے شروع ہوں گے۔پاکستان کرکٹ بورڈ نے اس سیریز کے لیے 16 رکنی اسکواڈ کا اعلان کیا ہے، جس میں سلمان علی آغا کو کپتان مقرر کیا گیا ہے۔

اسکواڈ میں شامل کھلاڑیوں میں فخر زمان، بابر اعظم، شاداب خان، اور حارث رؤف جیسے اہم نام شامل ہیں۔

یہ سیریز دونوں ٹیموں کے لیے آئی سی سی ٹی 20 ورلڈ کپ 2026 کی تیاری کے طور پر اہمیت رکھتی ہے۔ شائقین کرکٹ کو اس سنسنی خیز مقابلے کا انتظار ہے۔