نائب وزیر اعظم محمد اسحاق ڈار، چین کے وزیر خارجہ وانگ ای اور قائم مقام افغان وزیر خارجہ امیر خان متقی نے بیجنگ میں  سہ فریقی ملاقات کی ۔

ترجمان دفترخارجہ کے مطابق  تینوں وزرائے خارجہ نے رابطے اور باہمی اعتماد میں اضافے کے ذریعے تعاون کو گہرا کرنے کے لیے وسیع اور تعمیری مذاکرات کیے۔

ملاقات میں علاقائی امن، ترقی اور خطے میں رابطوں کے اسٹریٹجک وژن کوآگے بڑھانے میں سہ فریقی پلیٹ فارم کی اہمیت کا اعادہ کیاگیا۔ افغانستان میں حالیہ سیکیورٹی صورتحال میں بہتری کا خیرمقدم کیاگیا۔

 وزرائے خارجہ نے امن و امان کومضبوط اقتصادی روابط کو علاقائی ترقی اور خوشحالی کے لیے ضروری قرار دیا۔

 سہ فریقی فریم ورک کے تحت سفارتی روابط اور عملی تعاون کی اہمیت کو بھی اجاگر کیا گیا۔

نائب وزیراعظم نے خاص طور پر تجارت، ٹرانزٹ، صحت اوررابطوں کے شعبوں میں افغانستان کے ساتھ قریبی اورتعمیری تعلقات کے عزم کا اعادہ کیا۔