پوپ لیو نے عزہ میں اسرائیلی جارحیت پربڑابیان جاری کردیا۔ کیتھولک مسیحیوں کے مذہبی پیشواسینٹ پیٹرز اسکوائ پراجتماع سے خطاب کررہے تھے۔

پوپ لیو نے ایک بار پھر غزہ میں فوری جنگ بندی کی اپیل کردی۔ انہوں نے کہاکہ غزہ کے والدین کی دل دہلا دینے والی چیخیں آسمان تک پہنچ رہی ہیں۔

پوپ لیو میں کہا کہ غزہ کے والدین اپنے معصوم بچوں کی لاشیں سینے سے لگائے بیٹھے ہیں۔ ان کا کہنا تھاکہ غزہ میں لڑائی فوری بنداورانسانی قوانین کا احترام کیا جائے۔

انہوں نے  اسرائیل اور حماس سے اپیل کی کہ وہ عالمی انسانی قوانین کی مکمل طور پر پاسداری کریں۔

مزید پڑھیں : نئے پوپ کا اعلان کردیاگیا

واضح رہے کہ غزہ میں امدادلیتے لوگوں پراسرائیلی فائرنگ سے 3 فلسطینی شہید، 46 زخمی ہوگئے۔

علاوہ ازیں اسرائیلی بمباری سے صبح سے اب تک 30 فلسطینی شہید ہوچکے ہیں۔

مزید براں سابق اسرائیلی وزیراعظم ایہود المرٹ کا کہنا ہے غزہ کو بھوکا رکھنا جنگی جرم ہے۔

انہوں نے کہاکہ  غنڈوں کا گروہ نیتن یاہو حکومت کی نمائندگی کر رہاہے۔