گزشتہ روز کراچی کے علاقے ملیر کالا بورڈ میں رینجرز چوکی کے قریب ہونے والے دستی بم حملے کا مقدمہ سی ٹی ڈی میں درج کرلیا گیا ہے، مقدمہ سرکاری مدعیت میں ایکسپلوزو ایکٹ اور دہشت گردی کی دفعات کے تحت درج کیا گیاہے۔

مقدمے کے متن میں کہا گیا ہے کہ رات کو گشت کے دوران زور دار دھماکے کی آوازآئی، دھماکے سے کوئی جانی و مالی نقصان نہیں ہوا، کسی کالعدم تنظیم نے دھماکہ خوف پھیلانے اور جانی نقصان پہنچانے کے لئے کیا ہے۔

مقدمے کے مطابق نامعلوم ملزمان کالا بورڈ رینجرز چوکی اور ریلوے پٹری کے درمیان ملزمان  کریکر پھینک کر فرار ہوئے، تاہم دھماکے میں کوئی جانی نقصان نہیں ہوا۔

متن کے مطابق حملے میں روسی ساختہ کریکر آرجی ڈی۔1استعمال ہوا، جائے دھماکہ سے کریکر کے چھہ ٹکڑے برآمد کئے گئے ہیں، تاہم دھماکے میں رینجرز چوکی کو کوئی نقصان نہیں پہنچا، نہ ہی کسی قسم کا کوئی جانی نقصان ہوا ہے۔