ایرانی وزیرخراجہ عباس عراقچی نے کہا ہے کہ معاہدہ ہو یا نہ ہو، ایران دونوں صورتوں میں یورینینم کی افزودگی کا عمل جاری رکھے گا۔

امریکا ایران جوہری معاہدے سے متعلق عباس عراقچی نے کہا کہ امریکا ایران کے پاس جوہری ہتھیار نہ ہونے کی یقین دہانی چاہتا ہے، اس یقین دہانی کا ایک معاہدہ دسترس میں ہے۔

یہ بھی پڑھیں: ایران پر امریکی پابندیاں فریقین کو سفارتی طریقے سے جوہری تنازع حل کرنے میں مدد نہیں دے رہیں

سوشل میڈیا پر جاری بیان میں امریکی وزیرخارجہ کا کہنا تھا کہ اگر امریکا چاہتا ہے کہ ایران جوہری ہتھیار حاصل نہ کرے تو معاہدہ ممکن ہے، ہم اس مقصد کے لیے سنجیدہ بات چیت پر تیار ہیں۔

انہوں نے مزید کہا کہ ہم ایسے حل پر بات چیت کے لیے تیار ہیں جو ہمیشہ کے لیے اس کو یقینی بنائے تاہم ایران معاہدے کے ساتھ یا اس کے بغیر یورینیئم کی افزدوگی جاری رکھے گا۔