پاکستان اور بھارت کے درمیان کشیدگی کے خاتمے کے بعد کھیلوں کے میدان آباد ہونا شروع ہوگئے ہیں، بھارتی کرکٹ بورڈ نے آئی پی ایل دوبارہ شروع کرنے کا اعلان کردیا ہے۔

بھارتی کرکٹ بورڈ کے مطابق آئی پی ایل کے بقیہ میچز   17 مئی سے 3 جون تک 6 شہروں میں کھیلے جائیں گے۔

بی سی سی آئی کے مطابق 17 مئی کو  رائل چیلنجرز بنگلور اور دفاعی چیمپئن کولکتہ نائٹ رائیڈرز کے درمیان میچ کھیلا جائے گا۔

یاد رہے کہ بھارت نے 9 مئی کو پاکستان پر حملے کئے تھے، جس کے بعد جوابی حملوں کے خوف سے بھارت میں جاری آئی پی ایل کے میچز ملتوی کردیے گئے تھے۔

تاہم ہفتے کو پاکستان کی جانب سے بھارتی جارحیت کا منہ توڑ جواب دینے اور دونوں ملکوں کے درمیان جنگ بندی کے بعد اب آئی پی ایل کو دوبارہ شروع کرنے کا اعلان کیا گیا ہے۔