پاکستان کی جانب سے 5 بھارتی طیاروں اور متعدد ڈرونز کی تباہی کے بعد بھارت پر پاکستان کا خوف حاوی ہوچکا ہے، جس کے بعد بھارت نے جاری آئی پی ایل میچز کے وینیوز کو تبدیل کرنا شروع کردیا ہے۔

بھارتی میڈیا نے شروع میں آئی پی ایل میچز کے منسوخ یا ری شیڈول ہونے کا امکان ظاہر کیا تھا، تاہم اب بھارتی میڈیا نے تصدیق کی ہے کہ آئی پی ایل کے میچز کے وینیوز تبدیل کر دیے گئے ہیں۔

بھارتی میڈیا کا کہنا ہے کہ آئی پی ایل کا میچ دھرم شالہ سے ممبئی منتقل کردیا گیا ہے، بی سی سی آئی کو انتظامیہ سے اجازت نامہ ملنے کا انتظار ہے۔

یہ بھی پڑھیں: کوئٹہ گلیڈی ایٹرز نے پی ایس ایل کی تاریخ کا سب سے بڑا اسکور بنا کر ملتانز سلطانز کا ریکارڈ توڑ دیا

بھارتی میڈیا کے مطابق دھرم شالہ پنجاب کنگز  کا دوسرا ہوم گراؤنڈ ہے اس گراؤنڈ میں ٹیم نے آئی پی ایل 2025 میں 3 میچز کھیلنے تھے، جبکہ پنجاب کنگز پہلے ہی دھرم شالہ میں ایک میچ کھیل چکا ہے۔

واضح رہے کہ بھارتی فوج نے رات کی تاریکی میں بزدلانہ حملہ کرتے ہوئے آزاد کشمیر کے علاقوں کوٹلی، مظفر آباد اور باغ کے علاوہ مریدکے اور احمد پور شرقیہ میں شہری آبادی کو نشانہ بنایا جس میں 2 مساجد شہید ہوئیں جبکہ دو بچوں سمیت 26 پاکستانی شہید اور 46 زخمی ہوئے۔

پاک فوج نے بھارتی بزدلانہ کارروائیوں کا بھرپور جواب دیتے ہوئے بھارتی فوج کے 3 رافیل، ایک سکوئی، ایک مگ 29 اور ایک ڈرون تباہ کر دیا جبکہ بھارتی فوج کا بریگیڈ ہیڈ کوارٹر بھی تباہ کر دیا۔

پاک فوج کے بھرپور اور تابڑ توڑ حملے کے بعد بھارت نے لائن آف کنٹرول پر سفید جھنڈا لہرا کر شکست تسلیم کر لی۔