پنجاب اور پختونخوا کے مختلف علاقوں میں شدید آندھی اورطوفان کے دوران حادثات میں 13 افرادجاں بحق ہوگئے۔ 51 افراد زخمی بھی ہوئے۔

لاہور میں آندھی اور طوفان کے بعد بارش ہوئی جس کے باعث پورے شہر کی بجلی بند ہوگئی۔درخت جڑوں سے اکھڑگئے،قذافی اسٹیڈیم کے کئی بوتھ اڑگئے۔

اسلام آباد میں تیز آندھی کے بعد بارش ہوئی اوراولے پڑے۔ آب پارہ میں پانی گھروں میں داخل ہوگیا۔چکوال میں بھی طوفانی بارش ہوئی۔  کلرکہار کے قریب موٹر وے بند کردی گئی ۔

سیالکوٹ،گوجرانوالا، حافظ آباد، ملتان،اٹک میں دن کے وقت رات کامنظر پیش کرنے گا۔ آندھی کے سبب کچی چھتیں اورسولر پینلز اؑ ڑ گئے۔

ریسکیو حکام کے مطابق پنجاب میں آندھی و طوفان میں 13شہری جاں بحق اور 51 زخمی ہوگئے۔

 پی ڈی ایم اے کے مطابق اموات بوسیدہ مکانات کےگرنے اور غیرمحفوظ مقامات پرہونےکے باعث ہوئیں۔

پنجاب کے علاوہ خیبرپختونخوا کے مختلف شہروں میں بھی بارش ہوئی۔

پشاور میں مٹی کا طوفان آیا تو مالا کنڈ، ایبٹ آباد، مردان، چارسدہ اور مانسہرہ سمیت مختلف شہروں میں بارش ہوئی۔

سوات میں پانی مکانوں اور دکانوں میں داخل ہوگیا، ژالہ باری سے فصلوں اور باغات کو نقصان پہنچا۔

آزادکشمیر میں وادی نیلم اور مظفر آباد سمیت مختلف علاقوں میں بھی بارش ہوئی۔