کیاچیٹ جی پی ٹی  اور مصنوعی ذہانت کے سبب جلد ہی انسانی تخلیق اور پیشے ختم ہوجائیں گے یا ان کی اہمیت ختم ہوجائے گی ؟

انسانی معاش اور تخلیق سے متعلق یہ ایک ایسا موضوع ہے جو بار بار انسانی زہنوں میں پیدا ہورہا ہے ۔

اکثر یہ کہا جاتاہے کہ انسانی تخلیق جلد ماند پڑنے والی ہے اس کی وجہ یہ ہے کہ اے آئی ٹیکنالوجی تیزی سے پروان چڑھ رہی ہے۔

چیٹ پی ٹی جیسی ٹیکنالوجی کو انسان کے تخلیق کردہ مواد سے ہی سکھایا جاتاہے مثال کے طور پر کتب، مضامین، موسیقی، مصوری، خبریں اور سافٹ ویئروغیرہ۔

دلیل دی جاتی ہے کہ جب ایک مشین یا ٹیکنالوجی درست ہدایت ملنے پربہترتخلیق اور مواد پیش کرسکتی ہے تو انسان کو کام کا معاوضہ کیوں دیا جائے؟۔

لیکن حقیقت اس سے مخلتف ہے اور یہ اتنا آسان نہیں جتنا سمجھا یا کہا جارہاہے۔  ایک بھارتی سافٹ ویئرکنسلٹینٹ اچیت نائیک نے  اس سلسلے میں مختلف نکتہ  نظر پیش کیا ہے ۔

ان کے مطابق ایک موسیقار جو بار بار اپنی موسیقی کو بہتر سے بہتر بنانے کی کوشش کرتاہے اور وہ ہر بار بہتر سے بہتر کرنے کی کوشش میں ہوتا ہے تا کہ کہیں کوئی کمی نہ رہ جائے۔

ماہرین کی مختلف آرا

اچیت نائیک کے مطابق یہ عمل اسے متواتر فعال رکھتا ہے لیکن ٹیکنالوجی اپنے طور پر ایک ہی بار میں 100 فیصد کوشش کے ساتھ مواد سامنے پیش کردیتی ہے جس کے بعد زیادہ نئی تبدیلی ممکن نہیں رہتی۔

چیٹ جی پی ٹی اور مصنوعی ذہانت سے متعلق  انسانی آرا  اپنی جگہ مگر بعض ماہرین کا اب بھی ماننا ہے کہ بشر کا نعیم البدل ٹیکالوجی نہیں ہوسکتی۔

دنیا بھر میں اس حوالے سے مباحثے جاری ہیں مگر یہ کہنا کہ چیت جی پی ٹی یا مصنوعی ذہانت  انسانی پیشے مکمل ختم کردے گی درست نہیں جبکہ بعض ماہرین اس کے برعکس بھی سوچتے ہیں۔