وزیراعظم آفس کی جانب سے آذاد کشمیر اور تمام صوبائی حکومتوں سے بھارتی اشتعال انگیزی سے ہونے والے نقصانات کا تخمینہ طلب کرلیا گیا ہے۔

ذرائع کا کہنا ہے کہ وزیر اعظم آفس نے آزاد کشمیر اور صوبوں سے نقصانات کی رپورٹ طلب کرلی، رپورٹ کی روشنی میں مالی معاوضہ ادا کرنے کا فیصلہ کیا جائے گا۔

وزیراعظم آفس کی جانب سے آزاد کشمیر اور صوبائی حکومتوں کو بھارتی جارحیت سے ہونے والے نقصانات بشمول پراپرٹی کو پہنچنے والے نقصانات اور شہید ہونے والے اور زخمی افراد کی مکمل تفصیلات فراہم کرنے کی ہدایت کی گئی ہے۔

ذرائع کا کہنا ہے کہ رپورٹ ارجنٹ بنیادوں پر طلب کی گئی ہے، رپورٹ کی روشنی میں مالی معاوضہ ادا کرنے کا فیصلہ کیا جائے گا۔

یہ بھی پڑھیں:  پاکستان کی مسلح افواج نے چینی جنگی سازو سامان کو چین سے بہتر استعمال کیا

یاد رہے کہ 22 اپریل 2025 میں پہلگام فالس فلیگ آپریشن کو جواز بنا کر ہندوتوا مودی سرکار نے پاکستان پر جارحیت مسلط کی، جس کے نتیجے میں پاکستان اور بھارت کے درمیان چار روزہ شدید لڑائی ہوئی۔

7 مئی کو بھارت نے “آپریشن سندور” کے تحت پاکستان میں سول آبادیوں پر فضائی حملے کیے، جوابی کارروائی میں پاکستان نے “آپریشن بنیان المرصوص” کے تحت بھارتی فوجی تنصیبات کو نشانہ بنایا۔

دونوں ممالک کے درمیان ڈرون حملے اور فضائی جھڑپیں بھی ہوئیں، جس میں پاکستان نے بھارتی رافیل طیاروں سمیت 6 جہاز مار گرائے۔ تاہم، بدترین ہزیمت کے بعد مودی سرکار کی جانب سے امریکا کی منتیں کی گئیں۔

امریکا نے بیچ میں کودتے ہوئے دونوں ممالک کے درمیان جنگ بندی کرائی، تاہم10 مئی کو جنگ بندی کے اعلان کے باوجود دونوں ممالک کے درمیان کشیدگی برقرار ہے۔