پی ایس ایل سیزن 10 کا پہلا مرحلہ کامیابی کے ساتھ اختتام پذیر ہوگیا ہے، جس میں کوئٹہ گلیڈی ایٹرز 15 پوائنٹس کے ساتھ پہلی پوزیشن حاصل کی ہے۔

کوئٹہ گلیڈی ایٹرز 10 میچ کھیل کر 7 میچز میں فاتح رہی، 2 میں شکست کا سامنا کرنا پڑا جبکہ ایک میچ بے نتیجہ رہا۔

اسلام آباد یونائیٹڈ کے ہاتھوں کراچی کنگز کی بھاری مارجن سے شکست نے اسلام آباد یونائیٹد کی رینکنگ بہتر کردی اور اسلام آباد یونائیٹڈ رن ریٹ کی بنا پر دوسری پوزیشن پر قابض ہوگئی جبکہ کراچی کنگز کو تیسری پوزیشن پر دھکیل دیا۔

یہ بھی پڑھیں: پی ایس ایل سیزن 10 کے پلے آف مرحلے کی لائن اپ مکمل 

لاہور قلندر بھی اپنے 10 میچ کھیل چکی ہے، جس میں سے 5 جیتے اور 4 ہارے ہیں، اس طرح لاہور قلندر 11 پوائنٹس کے ساتھ چوتھے نمبر پر موجود ہے۔

پشاور زلمی اور ملتان سلطانز اپنے تمام 10 میچز کھیل کر ایونٹ سے باہر ہوچکی ہیں، پشاور زلمی 8 پوائنٹس کے ساتھ پانچویں اور ملتان سلطانز 2 پوائنٹس کے ساتھ چھٹے نمبر پر رہیں۔