پاکستان کے اولمپک گولڈ میڈلسٹ جیولن تھرو کھلاڑی ارشد ندیم نے ایشین ایتھلیٹکس چیمپئن شپ 2025 میں سونے کا تمغہ جیتنے کے عزم کا اظہار کیا ہے۔ یہ ایونٹ 27 سے 31 مئی تک جنوبی کوریا کے شہر گومی میں منعقد ہوگا۔

ارشد ندیم نے صحافیوں سے گفتگو کرتے ہوئے بتایا کہ وہ گزشتہ پانچ ماہ سے سخت تربیت میں مصروف ہیں۔

ان کا کہنا تھا کہ یہ اولمپکس کے بعد میرا پہلا بڑا مقابلہ ہے، میں نے سخت محنت کی ہے اور اپنی بہترین کارکردگی دکھانے پر مکمل توجہ مرکوز کی ہے۔

یہ بھی پڑھیں: پاکستان سپر لیگ ( پی ایس ایل) سیزن 10 کے بقایا 8 میچز کا شیڈول جاری

انہوں نے مزید کہا کہ ان کی اصل مقابلہ بازی خود سے ہے: “میرا مقابلہ ہمیشہ ارشد ندیم سے ہوتا ہے۔ میں صرف اپنی بہترین کارکردگی دکھانا چاہتا ہوں۔

ارشد ندیم نے اپنے مستقبل کے اہداف کے بارے میں بتاتے ہوئے کہا کہ عالمی چیمپئن شپ، ایشین چیمپئن شپ، ایشین گیمز، اور ڈائمنڈ لیگ میں سونے کے تمغے جیتنا میرا مشن ہے۔

انہوں نے 2028 میں لاس اینجلس اولمپکس میں شرکت کے ارادے کی بھی تصدیق کی، اور کہا کہ اولمپکس سے ایک سال قبل کی تمام تیاریوں کا مرکز اولمپک کی تیاری ہوگی۔