وزیر دفاع خواجہ آصف نے بھارت کے ساتھ تصادم کو ناگزیرقرار دیتے ہوئے کہاہے کہ ٹکرائو کسی بھی وقت ہوسکتاہے۔

خواجہ آصف نے کہاکہ آج کی بریفنگ میں بتایاگیاہےکہ بھارت کی طرف سےجارحیت متوقع ہے،ہماری سرزمین کے ٹکڑے پر قبضے کی حکمت عملی بھارت کوبہت مہنگی پڑےگی۔

انہوں نے کہاکہ بھارتی حکمرانوں نے پاکستان کاپانی روکنے کی کوشش کی تووہ اسی میں ڈوب مریں گے، بھارت

نے پانی روکنےکےلیے تعمیرات کیں توہم انہیں تباہ کردیں گے۔

خواجہ آصف کا کہناتھاکہ بھارت کسی بھی وقت ایل اوسی پرحملہ کرسکتاہے،ہم ہرلمحہ بھارت کےحملےکاجواب دینےکیلئےتیارہیں۔

ان کا کہناتھاکہ مودی کی جارحیت کی بڑی وجہ ان کی اندرونی سیاست ہے، بھارت اپنی عوام کومطمئن کرنےکیلئےکوئی نہ کوئی واردات ضرورکرے گا۔

خواجہ آصف نے کہاکہ  دریائے چناب میں آج پانی کابہاؤمعمول کےمطابق ہے، دنیابھرمیں مودی کےایڈونچرکی ساکھ پرسوالات اٹھ رہے ہیں۔

وزیر دفاع نے کہاکہ دنیابھرمیں بھارت کی اسٹوری کومستند نہیں سمجھاگیا، پہلگام ڈرامہ بھارتی حکومت نےمنصوبہ بندی کےتحت کرایا۔

ان کاکہنا تھاکہ مقبوضہ کشمیرمیں بھارتی فوج کی موجودگی میں تخریب کاری ممکن نہیں۔

پہل نہیں کریں گے ،مگر جارحیت کرارا جواب دیاجائےگا، وزیردفاع

خواجہ آصف نے کہاکہ  بھارت کےاندرسےبھی مودی کےڈرامے کےخلاف آوازیں بلند ہورہی ہیں، بھارت پہلگام واقعےکی تحقیقات کرانےکیلئےتیارنہیں۔

انہوں نے کہاکہ بھارت کسی بھی عالمی فورم پراندراج مقدمہ،پہلگام واقعےکی تحقیقات کرائے،نریندرمودی وارداتیوں والی باتیں نہ کریں۔

وزیر دفاع نے مزید کہاکہ  ہم پہل نہیں کریں گے،بھارت کےحملےکابھرپورجواب دیں گے، بھارت نے پاکستان کے اندرآنےکی کوشش کی توگھرپہنچاکرآئیں گے۔

پاکستان میں کوئی جنگی ماحول نہیں!

انہوں نے مزید کہاکہ پاکستان میں کوئی جنگی ماحول اورخوف نہیں، بھارتی رفال طیارےسرحد کےبہت قریب آئےتھےلیکن ان کاسسٹم جام ہوگیا،ہم نے بھارت کےہراقدام کاسدباب کیاہواہے۔

وزیر دفاع کا کہناتھاکہ بھارت کی تمام تیاریاں ہماری نظرمیں ہیں،مسلسل نگرانی کررہےہیں،ہم ہاتھ پرہاتھ رکھ کرنہیں بیٹھے،ہماری پوری تیاری ہے۔