وزیر دفاع خواجہ محمد آصف نے کہاہے کہ سانحہ خضدارمیں بھارتی پراکسی ملوث ہے،ہم جو کہہ رہے ہیں،اُس کے ثبوت بھی دیں گے۔

اسلام آباد میں میڈیاسے گفتگو کرتے ہوئے خواجہ آصف نے کہا کہ کالعدم بی ایل اے بھارتی پراکسی کے طور پر کام کررہی ہے۔

انہوں نے کہاکہ بھارت پیسہ  دیتا ہے، ٹی ٹی پی اور بی ایل اے یہاں خونریزی کرتی ہیں۔

وزیر دفاع نے مزید کہا کہ مقبوضہ کشمیر میں بھارت نے 9 لاکھ فوج رکھی ہوئی ہے، ہم کہہ رہے ہیں کہ پہلگام واقعے کی تحقیقا کرائی جائے۔

خواجہ آصف کا مزید کہناتھاکہ حالیہ پاک ،بھارت جنگ میں ہم نے 3سے 4 دن بہت تحمل کا مظاہرہ کیا۔