امریکی صدر ڈونلڈ ٹرمپ کے دورہ سعودی عرب میں امریکا اور سعودی عرب کے درمیان 142 ارب ڈالر کے دفاعی معاہدوں پر دستخط ہوگئے۔

وائٹ ہاؤس کا کہنا ہے کہ دفاعی معاہدہ 6 سو ارب ڈالر کے سعودی سرمایہ کاری وعدے کا حصہ ہے۔

دفاعی معاہدوں میں جی ای گیس ٹربائنز کی برآمدات، توانائی کے شعبے میں 14 ارب 20 کروڑڈالر کا معاہدہ اور 4 ارب 80 کروڑ ڈالر کے 737 بوئنگ طیاروں کا معاہدہ بھی شامل ہے۔

ایف 35 جنگی طیاروں کی ممکنہ خریداری بھی معاہدے میں شامل

سعودی عرب نے امریکاسے ایف 35 جنگی طیاروں کی ممکنہ خریداری پر بھی تبادلہ خیال کیا ہے تاہم ابھی یہ معلوم نہیں ہوسکا کہ ایف 35 جنگی طیاروں کی خریداری بھی دفاعی معاہدے میں شامل ہے یا نہیں۔

توانائی،معدنیات، خلائی تعاون واقتصادی شراکت داری قائم

عرب میڈیا کے مطابق دونوں ممالک کے درمیان توانائی، معدنیات، خلائی تعاون اور صحت سمیت تزویراتی اقتصادی شراکت داری کے معاہدوں اور مفاہمتی یادداشتوں پر بھی دستخط ہوئے ہیں۔

واضح رہے کہ اس سے پہلے سعودی فضائی حدودمیں داخل ہونے پر سعودی لڑاکاطیاروں نے ٹرمپ کے ایئرفورس ون کو حصار میں لے کرائیرپورٹ تک پہنچایا۔

سعودی ولی عہد نے ٹرم کا پُرتپاک استقبال کیا اوردونوں رہنماؤں نے کچھ دیر تبادلہ خیال کیا۔

ٹرمپ نے پاکستان اور بھارت کو کیا مشورہ دیا ؟

اپنے دورے کے دوران امریکی صدر ٹرمپ نے کہاکہ پاکستان اوربھارت کے درمیان گزشتہ دنوں تاریخی سیز فائر ہواہے ، امید ہے دونوں ممالک اس پر قائم رہیں گے۔

انہوں نے امریکی انتظامیہ نے کچھ دن پہلے پاکستان اور بھارت کے درمیان سیز فائر کروایاہے،ہم نے پاک بھارت دوستوں سے کہاہے کہ کچھ تجارت کریں،میزائلوں کے بجائے آپس میں تجارت کاسوچیں۔

ترمپ نے کہاکہ پاکستان بھارت کی قیادتیں مضبوط اورزہین ہیں، مارکو روبیو اورجے ڈی وینسن کی کوششوں سے پاکستان اور بھارت رک گئے۔