نائب وزیراعظم اسحاق ڈار نے کہاہے کہ پاک فضائیہ نے بھارتی تکبر خاک میں ملا دیا، ہم نے احتیاط سے کام لیا ورنہ 10 سے 12 بھارتی طیارے تباہ ہوجاتے۔

قومی اسمبلی میں خطاب کرتے ہوئے اسحاق ڈار نے کہاکہ پاک فضائیہ نے قوم کاسر فخر سے بلند کردیا،بھارتی حملے میں ہمارے26لوگ شہیداور متعددزخمی ہوئے۔

انہوں نے کہاکہ ہم نے رات کوہی یواین صدر کو خط لکھا،بھارت نے خلاف ورزی کی تمام ممالک کے سفیروں کوبلاکربھارتی بزدلانہ اقدامات پربریفنگ دیں گے۔

اسحاق ڈار نے کہاکہ  اوآئی سی سیکریٹری جنرل نے بھارتی حملے پرتشویش کا اظہار کیا، بھارت ایک سال سے کوشش کررہاہےکہ سندھ طاس معاہدے پراب بات ہونی چاہئے۔

نائب وزیراعظم نے کہاکہ قومی سلامتی نےبھارتی اقدامات کے نتیجے میں واضح کیا پانی روکا تواعلان جنگ سمجھیں گے،بزدلانہ حملے کے بعداب صورتحال تبدیل ہوگئی ہے۔

اینٹ کا جواب پتھر ہوگا، نائب وزیراعظم

انہوں نے کہاکہ پاکستان کا فیصلہ تھا کہ ہم پہل نہیں کریں گے،بھارت نے جو کچھ کیا اس کا ہم نے جواب دےدیا،بھارت نے اب کوئی قدم اٹھایاتو اینٹ کاجواب پتھر سے ہوگا۔

اسحاق ڈارکا کہناتھاکہ کل رات سے پہلے طے تھا کہ آج ایوان کوصورتحال سےآگاہ کیا جائےگا،پاکستان نے پہلگام واقعہ کی مذمت کی۔

نائب وزیراعظم نے کہاکہ بھارت نے پہلگام واقعہ کے بعدپاکستان پربے بنیاد الزامات لگائے،سندھ طاس معاہدہ دونوں فریقین کی رضامندی کے بغیرمعطل نہیں کیاجاسکتا۔

اسحاق ڈار کا کہناتھاکہ پاکستان نے فیصلہ کیا تھا کہ بھارتی اقدامات کا بھرپور جواب دیا جائے گا،موجودہ صورتحال کے پیچھے بھارت کی بدنیتی عیاں ہے۔

40 سے زائد ممالک سے رابطہ، موقف سے آگاہ کردیا

نائب وزیراعظم کا کہناتھا کہ پاکستان نے پہلگام واقعہ کی شفاف عالمی تحقیقات کی پیشکش کی، 40سےزائدملکوں سےرابطہ کرکے پاکستانی موقف سےآگاہ کیا گیا۔

انہوں نے کہاکہ سفارتی محاذپرپاکستان نے اپنا موقف بھرپور اندازمیں پیش کیا،پاکستان نےبھارتی جارحیت کامنہ توڑ جواب دیا۔