چیئرمین سینیٹ سید یوسف رضا گیلانی ترکمانستان کے دورے پر روانہ ہوگئے ہیں، ترکمانستان کے اعلیٰ حکام سے اعلیٰ سطحی ملاقاتیں کریں گے۔

چیئرمین سینیٹ کو دورے کی دعوت ترکمانستان کی مجلس کی چیئرپرسن نے دی ہے، ان کے دورے کا مقصد پاکستان اور ترکمانستان کے دو طرفہ تعلقات کو مزید مستحکم کرنا ہے۔

دورے میں پارلیمانی وفود کے تبادلوں میں تیزی لانے سمیت اہم امور پر تبادلہ خیال کیا جائے گا، دونوں ملکوں کے درمیان تجارتی و اقتصادی روابط کو بڑھانے پر بھی غور کیا جائے گا۔

ترکمانستان کے سفیر ایچ ای عطاجان مولاموف اور سیکرٹری سینیٹ سید حسنین حیدر  نے چیئرمین سینیٹ سے اسلام آباد انٹرنیشنل ایئرپورٹ پر روانہ ہونے سے پہلے ملاقات کی۔