سندھ ایمپلائز ایسوسی ایشن اور اساتذہ کے حکومتی وفد کے درمیان مذاکرات ناکام ہونے کے بعد کراچی میں احتجاجی مظاہروں نے شدت اختیار کر لی۔

مظاہرین نے وزیراعلیٰ ہاؤس جانے کی کوشش کی، جس پر پولیس نے انہیں منتشر کرنے کے لئے آنسو گیس کی شیلنگ کی۔ اس دوران مظاہرین کی جانب سے پولیس پر پتھراؤ بھی کیا گیا۔

کراچی پریس کلب کے اطراف اساتذہ کے احتجاج کے بعد مظاہرین نے منتشر ہو کر پریس کلب کی جانب روانہ ہو گئے، جس سے شہر کی مختلف اہم شاہراہوں پر ٹریفک کا دباؤ بڑھ گیا۔

احتجاجی مظاہروں کے نتیجے میں آرٹس کونسل چورنگی، فوارہ چوک، اور ہائی کورٹ کے اطراف شدید ٹریفک جام ہو گیا۔ اسی طرح کراچی کے صدر، برنس روڈ، سندھ اسمبلی چوک، ریگل، اور آئی آئی چندریگر روڈ پر بھی ٹریفک کی روانی متاثر ہوئی، جس سے شہریوں کو شدید مشکلات کا سامنا رہا۔

ٹریفک پولیس کی جانب سے ٹریفک کی روانی کو بہتر بنانے کی کوشش کی گئی، مگر احتجاج کے دوران کئی اہم سڑکوں پر ٹریفک کی روانی سست روی کا شکار رہی۔