دیر ہوچکی ، ایرانی جوہری تنصیبات پرحملہ کریں گے یا نہیں اس پرکچھ نہیں کہہ سکتا ۔ امریکی صدر ٹرمپ ایک بار پھر دھمکی دیدی۔

میڈیا سے گفتگو کرتے ہوئے امریکی صدر ٹرمپ نے کہاکہ اب ایران بات کرنا چاہتاہے۔ان کا کہنا تھاایران نے اس وقت کیوں بات نہیں کی جب اسے 60 دن کا وقت دیاگیاتھا۔

ان کا کہناتھاکہ ایران سے متعلق اب بہت دیر ہوچکی ، ایرانی جوہری تنصیبات پرحملہ کریں گے یا نہیں اس پرکچھ نہیں کہہ سکتا۔

انہوں نے کہاکہ میں کیا کرنا چاہتاہوں یہ کوئی بھی نہیں جانتا۔ ان کا کہناتھاکہ ایرانی 40 سال سے امریکا مردہ باد،اسرائیل مردہ بادکے نعرے لگاتے آئے ہیں۔

انہوں نے کہاکہ ایران کو کئی بار کہا کہ جوہری معاہدہ ناگزیرہے۔ ٹرمپ نے کہاکہ مجھے نہیں معلوم جنگ کتنے دن چلے گی مگر ایران کے پاس دفاعی صلاحیت نہیں۔

امریکی صدر نے کہاکہ ایران اس وقت مشکل میں ہے اور آگے اسے مزید مشکلات کا سامنا کرنا پڑے گا۔

ٹرمپ نے دعویٰ کیاکہ ہم نے ایران کی دفاعی صلاحیت ختم کردی ۔اانہوں نے کہاکہ آئندہ ہفتے انتہائی اہم ہیں۔