ایرانی حکومت نے 12 روزہ اسرائیل ایران جنگ کے نقصانات جاری کرتے ہوئے بتایا کہ اسرائیلی فضائی حملوں میں 610 ایرانی شہید جبکہ 4 ہزار 746 زخمی ہوئے ہیں۔

ایران کے محکمہ صحت کے تازہ اعداد و شمار کے مطابق اسرائیلی حملوں میں 12 روز میں کم از کم 610 ایرانی شہید اور 4,746 زخمی ہو چکے ہیں۔

مزید پڑھیں: ایران اسرائیل جنگ؛ دونوں معیشتوں کے لیے تباہ کن ثابت

محکمہ صحت کے ترجمان حسین کرمان‌پور کے مطابق 971 افراد ہسپتالوں میں داخل ہیں، جبکہ 687 افراد کو آپریشن کے بعد فارغ کر دیا گیا ہے۔

اسرائیلی حملوں کا نشانہ بننے والوں میں 13 بچے بھی شامل ہیں، جن میں سب سے کم عمر دو ماہ کا بچہ بھی شامل ہے، اور 49 خواتین بھی شہید ہوئی ہیں، جن میں 2حاملہ خواتین بھی شامل ہیں۔

رپورٹس کے مطابق اسرائیلی حملوں میں 5 طبی کارکن بھی شہید اور 20 زخمی ہوئے ہیں، اسرائیلی حملوں سے 7 ہسپتال6 چھ ایمرجنسی مراکز, 4  کلینکس, اور 9 ایمبولینسوں کوبھی نقصان پہنچا ہے۔