کراچی میں راشد منہاس روڈ پربجری سے بھرا تیز رفتار ڈمپر ڈبل کیبن گاڑی پر الٹ گیا، حادثے کے نتیجے میں ایک خاتون اور ایک بچی جاں بحق ہوگئے ہیں۔

پولیس حکام کے مطابق بجری سے بھرا ڈمپر ڈبل کیبن گاڑی پر تیزرفتاری کےباعث الٹا، حادثےمیں ایک خاتون اور بچی جاں بحق ہوگئی جبکہ ایک خاتون سمیت دو افراد زخمی ہوئے ہیں۔

مزید پڑھیں: کراچی میں ٹریفک حادثات کا بڑھتا ہوا سلسلہ تھم نہ سکا، رواں سال 256 افراد جاں بحق

پولیس حکام کا کہنا ہے کہ حادثے کا شکار افراد کاتعلق ایک ہی خاندان سے ہے، متاثرہ فیملی اسکیم33کی رہائشی تھی، لاشوں اور زخمیوں کوضابطےکی کارروائی کے لیے اسپتال منتقل کردیاگیا ہے۔

حکام کے مطابق ڈمپر ریتی اور بجری سےلوڈ تھا، جائےوقوعہ سےڈمپرکاڈرائیورفرارہوگیا ہے، جبکہ پولیس نے جائے حادثہ پر موجود ڈمپر اور متاثرہ گاڑی کو اپنی تحویل میں لے لیا ہے، پولیس کی جانب سے فرارڈمپرڈرائیورکی تلاش جاری ہے۔