ایران نے علی الصبح اسرائیل پر کئے گئے حملوں میں اپنے مپلک ترین میزائل سجیل ٹو کا استعمال کیا ہے، آئیے دیکھتے ہیں کہ یہ میزائل کس قدر تباہ کن ہیں؟

ایرانی خبر رساں ایجنسی تسنیم کے مطابق ایران نے اسرائیل پر حملے کے لیے 2000 کلومیٹر اور اس سے آگے تک مار کرنے والے ’سجیل ٹو ‘ میزائل کا استعمال کیا ہے۔

مزید پڑھیں: کشیدگی کم کریں، چینی صدر، ایران اسرائیل جنگ پر ایک ہی دن میں دوسراٹوئٹ

عسکری نامہ نگار ڈورون کدوش نے ایک اسرائیلی سکیورٹی ذرائع کے حوالے سے بتایا کہ جس ایرانی سجیل میزائل نے اسرائیلی علاقے ڈین بلاک کو نشانہ بنایا تھا وہ اپنے وزن اور پے لوڈ یعنی اس میں موجود دھماکا خیز مواد کی مقدار کے لحاظ سے غیر معمولی نوعیت کا تھا اور یہ معمول سے بڑا میزائل تھا۔

مزید پڑھیں: ایران، اسرائیل جنگ، ایک دوسرے کی فضاؤں پر مکمل کنٹرول کے دعوے، دونوں ممالک کے تباہ کن حملے، ٹرمپ کا ایران سے غیر مشروط سرنڈر کا مطالبہ

یہ میزائل کیسے کام کرتا ہے؟

2 مرحلوں پر مشتمل سجیل ٹو میزائل ایک ٹھوس ایندھن سے چلنے والا میزائل ہے، اس لیے اس میں ایندھن بھرنے کے لیے بہت وقت درکار ہوتا ہے جس کا مطلب ہے کہ سجیل 2 میزائل کو لانچ کرنے کے لیے تیاری کا وقت کم ہو جاتا ہے۔

یہ میزائل جو ٹھوس ایندھن کے انجن پر مبنی ہے، دوسرے ایرانی میزائلوں کے مقابلے میں لانچ کرنے میں زیادہ درست اور تیز سمجھا جاتا ہے اور اس میں 500 سے 650 کلوگرام وزنی وار ہیڈ ہے۔