پاکستانی جیولن تھرو اسٹار ارشد ندیم نے ایشین ایتھلیٹکس چیمپئن شپ میں گولڈ میڈل جیت کر 52 سال بعد ایک نیا ریکارڈ قائم کردیا۔

پاکستانی جیولن تھرو کے کھلاڑی ارشد ندیم نے 31 مئی 2025 کو جنوبی کوریا کے شہر گومی میں ہونے والی ایشین ایتھلیٹکس چیمپئن شپ میں 86.40 میٹر کی تھرو کے ساتھ گولڈ میڈل جیتا۔ یہ پاکستان کے لیے 1973 کے بعد پہلا گولڈ میڈل ہے۔

مزید پڑھیں: ایشین ایتھلیٹکس چیمپئن شپ، ارشد ندیم کی ایک تھرو نے انہیں فائنل تک پہنچا دیا

پاکستان نے آخری مرتبہ اس ایونٹ میں 1973 میں گولڈ میڈل جیتے تھے، 1973 میں پاکستان نے فلپائن میں ہونے والے مقابلوں میں جیولن تھرو اور  800 میٹر کے گولڈ میڈل جیتے تھے۔

800 میٹر کا گولڈ میڈل  محمد یونس اور جیولن تھرو کا گولڈ میڈل اللہ داد نے  اپنے نام کیا تھا۔

ایشین ایتھلیٹکس چیمپئن شپ میں ارشد ندیم 50 سال سے زائد عرصے میں گولڈ میڈل جیتنے والے پہلے پاکستانی بن گئے ہیں۔