گورنر سندھ کامران خان ٹیسوری کی ہدایت پر گورنر ہائوس میں عید الاضحیٰ کے موقع پر غریبوں اور مستحق افراد کے لیے قربانی کا انتظام کیا گیا ہے۔

گورنر ہائوس میں قربانی کے جانور پہنچنا شروع ہوگئے ہیں، اور عید کے تینوں روز مجموعی طور پر 100 اونٹ، 100 بکروں اور 50 بیل کی قربانی کی جائے گی۔

گورنر ہائوس کی جانب سے جاری کیے گئے اعلامیہ میں بتایا گیا کہ عید کے روز مستحقین اور غریب افراد میں ایک ماہ کے راشن پیکٹ کے ساتھ قربانی کا گوشت بھی تقسیم کیا جائے گا، تاکہ معاشرتی ذمہ داریوں کو نبھاتے ہوئے کمزور طبقے کی مدد کی جا سکے۔

مزید پڑھیں: گذشتہ سال کی طرح اس سال بھی گورنر ہاؤس میں عوام کے لیے افطار و ڈنر کا اہتمام

یہ اقدام گورنر سندھ کی ہدایت پر عمل میں لایا جا رہا ہے تاکہ عید الاضحیٰ کی خوشیوں میں مستحق افراد بھی شامل ہو سکیں اور انہیں عید کے موقع پر بہتر خوراک کی سہولت ملے۔

گورنر ہائوس کی جانب سے اس سے قبل بھی اس طرح کے اقدامات کیے گئے ہیں، اور یہ عید الاضحیٰ پر غریبوں کے لیے ایک بڑی مدد ثابت ہوگا۔