برطانیہ کے سالانہ موسیقی کے میلے گلاسٹنبری فیسٹیول میں گلوکاروں نے فلسطین کی حمایت  اور  اسرائیل مخالف نعرے لگائے۔ 

 گلاسٹنبری فیسٹیول میں جاری کنسرٹ کے دوران آئرلینڈ کے ریپ گانے والے گروپ نی کیپ (Kneecap) نے کانسرٹ کے دوران فلسطین کو  آزاد کرو کے نعرے لگا دیے۔

مزید پڑھیں: روس نے ماسکو کنسرٹ ہال حملے کی ذمہ داری داعش پر عائد کردی

 نی کیپ بینڈ کے رکن مو شارا نے کہا ہے کہ وہ اپنی آمدنی میں کمی پر تیار ہے، مگر تاریخ کی درُست سمت میں رہنا چاہتا ہے، ہم آواز بلند کریں گے تو فلسطین کے معاملے پر دوسرے میوزک گروپ بھی آواز بلند کریں گے۔

رپورٹ کے مطابق  گلاسٹنبری فیسٹیول میں ہی ریپ گلوکار Bob Vylan نے بھی فلسطین کو آزاد کرو (free Palestine) اور  مرگ بر اسرائیلی فوج (death death IDF) کے نعرے لگائے۔

مزید پڑھیں: لوک گلوکار عطا اللہ عیسیٰ خیلوی کے کنسرٹ میں مداحوں کی ہاتھا پائی کرتے ویڈیو وائرل

عالمی ذرائع ابلاغ کے مطابق کنسرٹ میں فلسطین کے حق میں نعروں کے بعد برطانوی پولیس متحرک ہوگئی ہے۔ اور پولیس نے لائیو نشریات کی ویڈیوز کا جائزہ لے نفرت پھیلانے کے الزام کے تحت تفتیش شروع کردی ہے۔