چیئرمین پاکستان پیپلز پارٹی بلاول بھٹو زرداری نے کہا ہے کہ بھارت کا جھوٹا بیانیہ دنیا کے سامنے بے نقاب ہو چکا ہے، بھارت کو دہشتگردی بند کرنا ہوگی۔

پارلیمانی کمیٹی کے ارکان کے ہمراہ اسلام آباد میں پریس کانفرنس کرتے ہوئے بلاول بھٹو نے کہا کہ وزیراعظم نے جنگ کے بعد امن کے قیام کی ذمہ داری ہمیں دی ہے، اور ہم نے سیزفائر کا مرحلہ شروع کیا ہے۔

انہوں نے مزید کہا کہ جنگ کسی مسئلے کا حل نہیں ہے اور کشمیر سمیت تمام مسائل کا حل بات چیت سے نکالا جا سکتا ہے۔

بلاول بھٹو نے بھارت کے بیانیے کو جھوٹ پر مبنی قرار دیتے ہوئے کہا کہ بھارت پاکستان کا پانی بند نہیں کر سکتا اور سندھ طاس معاہدہ کو قانونی طور پر منسوخ نہیں کر سکتا۔

مزید پڑھیں: مسئلہ کشمیر دہشت گردی کابنیادی سبب ہے، اس کاحل ضروری ہے، بلاول بھٹو

انہوں نے کہا کہ بھارت کا جھوٹا بیانیہ دنیا کے سامنے بے نقاب ہو چکا ہے اور مختلف ممالک میں بھارت کی دہشت گردی سامنے آئی ہے۔

چیئرمین پیپلزپارٹی نے کہا کہ دنیا کو معلوم ہے کہ بھارت نے معصوم شہریوں کو نشانہ بنایا ہے اور اگر دنیا میں امن قائم کرنا ہے تو بھارت کو ذمہ دارانہ کردار ادا کرنا ہوگا۔

بلاول بھٹو نے کہا کہ بھارت پاکستان میں دہشت گردی کروا رہا ہے اور پاکستان کا پانی روکنا اعلان جنگ تصور کیا جائے گا۔

BREAKING: If Jaishankar is so impressed by Google Images, I’d suggest he also search for photos of Abhinandan the chaiwala. ☕

Bilawal Bhutto Zardari: pic.twitter.com/DGpP4Ivl4d

Advertisement

— Defence Index (@Defence_Index) June 11, 2025

انہوں نے مزید کہا کہ بھارت کی سکھوں کے خلاف ٹارگٹڈ مہم جاری رہی ہے اور پوری دنیا کو معلوم ہے کہ بھارت نے سکھوں کا قتل کیا ہے۔

مزید پڑھیں: بھارتی عزائم بےنقاب، بلاول بھٹو نے پاکستان کا مقدمہ اقوام متحدہ کے سامنے پیش کردیا

بلاول بھٹو نے کہا کہ جب بھارت پاکستان پر الزام لگا رہا تھا تو دنیا ان کے ساتھ نہیں تھی اور اب ہم بھارت سے مطالبہ کرتے ہیں کہ دہشت گردی کی روایت ختم کی جائے۔

انہوں نے کہا کہ بھارت نے دہشت گرد تنظیموں کو فنڈنگ کر کے پاکستان میں دہشت گردی کروائی ہے اور امریکی صدر نے بار بار امن اور بات چیت کے لیے کہا ہے، لیکن بھارت امریکی صدر کی امن کی کوششوں کو سبوتاژ کرنا چاہتا ہے۔

بلاول بھٹو نے کہا کہ بھارت خطے میں کشیدگی چاہتا ہے اور جے شنکر وزیر خارجہ نہیں، جنگی جنونی کی طرح بات کرتے ہیں۔ انہوں نے کہا کہ جے شنکر کو چاہیے وہ ابھی نندن کو گوگل کر لیں۔

مزید پڑھیں: پہلے بچر آف گجرات، اب ٹیمو کاپی، بلاول بھٹو نے پاکستانیوں کے دل جیت لیے

انہوں نے کہا کہ مسئلہ کشمیر کے معاملے پر صدر ٹرمپ کے شکر گزار ہیں اور پاکستانی وفد امن کا پیغام لے کر دنیا میں نکلا ہے۔

بلاول بھٹو نے کہا کہ ہم برسلز بھی جائیں گے اور امن کا پیغام یورپی یونین کو بھی پہنچائیں گے۔

وفاقی وزیر خرم دستگیر نے کہا کہ بھارت مستقل جنگی جنون لاگو کر رہا ہے اور معاشی وسائل کو دیکھتے ہوئے پاکستان کا دفاعی بجٹ بنا رہے ہیں۔

انہوں نے کہا کہ ہم نے ہر جگہ ہمسایہ ممالک کی سرزمین پاکستان کے خلاف استعمال ہونے کا معاملہ اٹھایا ہے اور ہمارے مشن کی اہم دستاویز بھارتی وزیراعظم اور وزیروں کے جنگی جنون میں ڈوبے بیانات ہیں۔

خرم دستگیر نے کہا کہ پاکستان اپنے حق کے پانی کے ساتھ امن چاہتا ہے اور جنگ اور معاشی ترقی ساتھ ساتھ نہیں چل سکتے۔

وزیر خارجہ کے مشیر طارق فاطمی نے کہا کہ ایران اور افغانستان سے ہمارے دیرینہ تعلق ہیں اور ہماری ہمیشہ کوشش رہی ہے کہ ان دونوں ممالک سے اچھے تعلقات رکھے جائیں۔ انہوں نے کہا کہ جب بھی افغانستان پر کوئی مشکل پڑی تو افغانیوں نے پاکستان کی طرف دیکھا اور ابھی بھی ہمارے تعلقات بہتری کی طرف گامزن ہیں۔

طارق فاطمی نے کہا کہ پاکستان ایرانی مفاد کو امریکہ میں سپورٹ کرتا ہے۔

ممبر پارلیمانی کمیٹی فیصل سبزواری نے کہا کہ جنگ کے دنوں میں دوست ممالک نے پاکستان کی بھرپور حمایت کی اور وزیراعظم، آرمی چیف اور وزارت خارجہ کے افسران آذربائیجان گئے۔

انہوں نے کہا کہ ہم نے وہاں بھی امن کا پیغام پہنچایا اور دوست ممالک سے حمایت حاصل کی۔