بلاول بھٹو زرداری کا دورہ امریکا مکمل، برطانیہ پہنچ گئے۔پاکستانی سفارتی مشن کا دورہ امریکا مکمل ہوگیا۔

بلاول بھٹو نے دورہ امریکا میں اقوام متحدہ کے اجلاس میں شرکت کی۔ عالمی رہنماؤں،امریکی کانگریس ارکان سے ملاقاتیں کیں ۔مسئلہ کشمیر کے حل اور خطے میں امن کی ضرورت پر زور دیا۔

بلاول نے اس دورے  میں بھارت کو معنی خیز مذاکرات کی بھی دعوت دی۔

مزید پڑھیں : بھارت کی آبی جارحیت اعلان جنگ کے مترادف ہے ، بلاول بھٹوکا واشنگٹن میں خطاب 

پاکستانی مشن کے سربراہ نے واشنگٹن میں امریکی قانون سازوں اور تھنک ٹینکس پرواضح کیاپاکستان جنگ نہیں چاہتا۔ ان کاکہنا تھا کہ اگر جنگ مسلط ہوئی تونتائج تباہ کن ہوں گے۔

لندن پہنچنے پر ایک سوال کے مختصر سے جواب میں انہوں نے کہاکہ بھارت کو اپنی روش ختم کرنی ہوگی۔ ان کا کہناتھا مسائل کافی ہیں ان کاحل تلاش کرناہوگا۔
انہوں نے دو بار ’’امن‘‘ اور ’’امن‘‘ کہہ کر امن کی ضرورت پر زور دیا۔

دورہ برطانیہ میں بلاول کی مصروفیات کیاہونگی؟

پاکستانی وفد کےا رکان لندن کے دو انتہائی اہم اور باوقار تھنک ٹینکس کا دورہ کریں گے۔  بلاول  انسٹیٹیوٹ آف اسٹریٹجک اسٹڈیز اور چیٹم ہاؤس میں خطاب اورسوال جواب کا سیشن کریں گے۔
دریں اثنا منگل کو پاکستانی وفد کی برطانوی حکام سے سیاسی ملاقاتیں ہوں گی۔

علاوہ ازیں بلاول بھٹو زرداری متعددبرطانوی میڈیا ہاؤسز کو انٹرویوز بھی دیں گے۔

واضح رہے کہ پاکستان ی وفد کےا رکان بھارتی پراپیگنڈہ کے جواب میں پاکستانی نکتہ نظر اور موقف پیش کریںگے۔