صدر مملکت آصف علی زرداری نے فنانس بل 2025-26 کی توثیق کر دی ہے، جس پر آج دستخط کر کے بل کو منظوری دے دی گئی۔

 قومی اسمبلی سیکریٹریٹ نے فنانس بل کی منظوری کے بعد صدر کی توثیق کے آئینی تقاضہ کو پورا کرنے کے لیے بل ایوان صدر بھیجا تھا، جسے صدر مملکت نے آج باقاعدہ توثیق کر لیا۔

اس فنانس بل کے منظور ہونے کے عمل میں قومی اسمبلی نے حکومت کی 10 مکمل اور 2 ذیلی ترامیم کی منظوری دی، جبکہ اپوزیشن کی 78 ترامیم کو ایوان نے مسترد کر دیا تھا۔

صدر مملکت آصف علی زرداری کی توثیق کے بعد فنانس بل 2025-26 یکم جولائی 2025 سے نافذ العمل ہو گا۔ اس بل کے نافذ ہونے کے بعد مختلف ٹیکس اور فنانشل پالیسیز میں تبدیلیاں عمل میں آئیں گی، جو ملکی معیشت پر اثر ڈالیں گی۔

 فنانس بل کی منظوری کے بعد اب اسے گزٹ نوٹیفیکیشن کے لیے بھیج دیا گیا ہے۔