محکمہ موسمیات کے مطابق سمندی ہوائیں معطل ہونے کی وجہ سے آج شہر قائد کا موسم شدید گرم اور مرطوب رہنے کا امکان ہے۔

محکمہ موسمیات کا کہنا ہے کہ آج شہر کا کم سے کم درجہ حرارت 29 ڈگری سینٹی گریڈ ریکارڈ کیا گیا ہے، جبکہ ہوا میں نمی کا تناسب 72 فیصد ریکارڈ کیا گیا ہے۔

مزید پڑھیں: کراچی میں رواں ہفتے کے اختتام پر مون سون کی پہلی بارش کا امکان  

ہوا میں نمی کا تناسب زیادہ ہونے سے گرمی کی شدت زیادہ محسوس کی جائے گی، شہر کا درجہ حرارت آج 35 تا 37 ڈگری کے درمیان ریکارڈ ہونے کا امکان ہے۔ آج صبح و شام کے اوقات میں بوندا باندی کا امکان ہے۔

محکمہ موسمیات کے مطابق شہر میں کل سے مون سون ہوائیں آثر انداز ہوگی، جس کے تحت کل سے گرج چمک کے ساتھ تیز بارش کا امکان ہے، بارش کا یہ سلسلہ 2 سے تین روز تک جاری رہ سکتا ہے۔