محکمہ موسمیات نے 14 جولائی سے 17 جولائی کے دوران پاکستان کے مختلف علاقوں میں تیز ہواؤں اور گرج چمک کے ساتھ موسلا دھار بارش کی پیش گوئی کی ہے۔

بارشوں کا یہ سلسلہ بالائی علاقوں سے شروع ہو کر ملک کے بیشتر حصوں کو اپنی لپیٹ میں لے سکتا ہے۔

محکمہ موسمیات کے مطابق دیر، سوات، چترال، مالاکنڈ، بونیر، کوہاٹ، لکی مروت، مہمند، خیبر، وزیرستان، مانسہرہ، پشاور، مردان، ایبٹ آباد اور کرک میں گرج چمک کے ساتھ بارش کا امکان ہے۔

مزید پڑھیں: کراچی سے خیبر تک طوفان، سیلاب، بارشیں، این ڈی ایم اے کا الرٹ جاری

پنجاب میں اسلام آباد، راولپنڈی، مری، گلیات، چکوال، جہلم، اٹک، منڈی بہاؤالدین، گجرات، گوجرانوالہ، لاہور، شیخوپورہ، سیالکوٹ، ساہیوال، نارووال، جھنگ، ننکانہ، فیصل آباد، چنیوٹ، اوکاڑہ، سرگودھا، بھکر، میانوالی، بہاولنگر، لودھراں اور مظفرگڑھ میں بارش کی پیش گوئی ہے۔

بلوچستان میں کوئٹہ، ژوب، قلعہ سیف اللہ، زیارت، شیرانی، موسیٰ خیل، لورالائی، سبی، بولان، قلات اور لسبیلہ میں بھی گرج چمک کے ساتھ بارش کا امکان ہے۔

مزید پڑھیں: پنجاب بھر میں موسلادھار مون سون بارشیں، فیصل آباد میں سب سے زیادہ بارش ریکارڈ

 سندھ میں تھرپارکر، میرپور خاص، سانگھڑ، سکھر، لاڑکانہ، دادو، جیکب آباد، خیرپور اور شہید بینظیر آباد میں بارش کی توقع ہے۔

کراچی میں ہلکی بوندا باندی کی پیش گوئی کی گئی ہے۔

محکمہ موسمیات کے مطابق ان دنوں میں کئی علاقوں میں تیز سے موسلا دھار بارش برسنے کا بھی امکان ہے، جس کے باعث نشیبی علاقوں میں اربن فلڈنگ اور پہاڑی علاقوں میں لینڈ سلائیڈنگ کا خدشہ موجود ہے۔

محکمہ موسمیات نے شہریوں کو محتاط رہنے اور متعلقہ اداروں کو پیشگی تیاری کی ہدایت کی ہے۔