لاڑکانہ کے نوڈیرو کچے کے علاقے میں پولیس کی جانب سے مبینہ ڈرون حملے کے دوران ضعیف العمر میاں بیوی جاں بحق ہوگئے ہیں۔

اطلاعات کے مطابق ڈرون حملے میں غلام علی جکھرانی اور ان کی اہلیہ سسئی کھکھرانی جانبحق ہوئے ہیں، جبکہ دو بچوں اور چار خواتین سمیت سات افراد زخمی بھی ہوئے ہیں۔

مزید پڑھیں: پنجاب پولیس گزشتہ روز اغوا کئے گئے 13 مزدوروں کو بازیاب کرانے میں تاحال ناکام

ورثاء کا دعویٰ ہے کہ پولیس نے چند روز قبل بھی ان کے گھروں پر کارروائی کی تھی، اور اس بار گرفتاریاں یا وارننگز کے بجائے ڈرون حملہ کیا گیا۔ اس کارروائی میں نہ صرف خواتین اور بچوں کو شدید زخم آئے، بلکہ مقامی افراد بھی نہایت غم و غصے میں ہیں ۔

تاہم ایس ایس پی احمد فیصل چودھری نے اس بات سے انکار کیا ہے کہ پولیس نے ڈرون سے کارروائی کی، اور دعویٰ کیا ہے کہ یہ ایک “دہشتی تنظیم” اور دوطرفہ فائرنگ کا نتیجہ تھا، جس کی وجہ سے اہلِ علاقہ اور پولیس کے درمیان جھڑپ ہوئی تھی ۔