پیٹرول اور ہائی اسپیڈ ڈیزل کے بعد مٹی کا تیل بھی مہنگا  کردیا گیا۔

مٹی کے تیل کی قیمت میں 15 روپے 23پیسے فی لیٹر کا اضافہ کیا گیا ہے جس کے بعد مٹی کے تیل کی نئی قیمت 184 روپے 43 پیسے فی لیٹر مقرر کی گئی ہے۔

اوگرا نے مٹی کے تیل کی قیمت میں اضافے کا نوٹیفکیشن جاری کردیاہے۔

یہ بھی پڑھیں: عوام پر مہنگائی کا ایک اور وار؛ پیٹرول اور ڈیزل کی قیمتوں میں بڑا اضافہ

جاری کردہ نوٹیفکیشن  کے مطابق مٹی کے تیل کی قیمت میں اضافے کا اطلاق آج سے ہوگا۔

اس سے قبل مٹی کے تیل کی قیمت 169 روپے20 پیسے فی لیٹر تھی۔

وزارت خزانہ نے رات گئے پیٹرول اور ہائی اسپیڈ ڈیزل کی قیمتوں میں اضافے کا اعلان کیا تھا۔

پیٹرول آج سے 8 روپے 36 پیسے فی لیٹر مہنگا کیا گیا، جبکہ ہائی اسپیڈ ڈیزل کی قیمت میں10 روپے 39 پیسے فی لیٹر کا اضافہ کیا گیا ہے۔