لاہور: پاکستان کرکٹ ٹیم آج رات بنگلادیش کے دورے پر روانہ ہوگی، جہاں وہ تین ٹی ٹوئنٹی انٹرنیشنل میچز پر مشتمل سیریز میں شرکت کرے گی۔

یہ میچز بالترتیب 20، 22 اور 24 جولائی کو کھیلے جائیں گے۔

دورۂ بنگلادیش کے لیے اعلان کردہ پاکستانی اسکواڈ میں سلمان علی آغا کو ٹیم کا کپتان مقرر کیا گیا ہے، جبکہ دیگر کھلاڑیوں میں، ابرار احمد، احمد دانیال، فہیم اشرف، فخر زمان، حسن نواز، حسین طلعت، خوشدل شاہ، محمد عباس آفریدی، محمد حارث (وکٹ کیپر)، محمد نواز، صاحبزادہ فرحان (وکٹ کیپر)، صائم ایوب، سلمان مرزا اور سفیان مقیم شامل ہیں۔

کوچنگ اسٹاف میں مائیک ہیسن (ہیڈ کوچ)، شین میکر موٹ (فیلڈنگ کوچ) اور گرانٹ لوڈین (سٹرینتھ اینڈ کنڈیشنگ کوچ) کے طور پر خدمات انجام دیں گے۔

قومی سکواڈ کا پہلا دستہ کراچی سے ڈھاکہ کے لیے براستہ دوبئی روانہ ہو چکا ہے، جس میں میں  سلمان علی آغا، ,صائم ایوب , فخر زمان  ، محمد نواز ، ابرار احمد، خوشدل شاہ ، فہیم اشرف اور سپورٹ سٹاف شامل ہے۔

دوسرا گروپ 16 جولائی کل صبح کراچی سے روانہ ہو گا۔

بنگلادیش کے بعد پاکستانی ٹیم ویسٹ انڈیز اور امریکا کا رخ کرے گی، جہاں فلوریڈا میں یکم تا 4 اگست تک پاکستان اور ویسٹ انڈیز کے درمیان تین ٹی ٹوئنٹی میچز کھیلے جائیں گے۔

اس کے بعد دونوں ٹیمیں 8 سے 12 اگست تک ٹرینیڈاڈ اینڈ ٹوباگو میں تین ون ڈے میچز کی سیریز میں مدمقابل ہوں گی۔

پاکستان کرکٹ بورڈ کے مطابق یہ تمام دورے آئندہ ٹی 20 ورلڈ کپ اور چیمپئنز ٹرافی کی تیاریوں کا حصہ ہیں، جن کا مقصد نوجوان کھلاڑیوں کو بین الاقوامی تجربہ فراہم کرنا اور ٹیم کمبینیشن کو بہتر بنانا ہے۔