غزہ پر اسرائیلی فوج کی جانب سے فضائی حملوں کا سلسلہ جاری ہے، گزشتہ 24 گھنٹوں کے دوران 6 بچوں سمیت 90 سے زائد فلسطینی شہید ہوچکے ہیں۔

الشفاء اسپتال کے باہر یہ باپ اپنے شہید بچے کی لاش اٹھائے دنیا سے انصاف مانگ رہا ہے۔

فلسطینی شہری دیر البلح (وسطی غزہ) میں اسرائیلی فضائی حملے سے تباہ ہونے والے ایک پٹرول پمپ کے ملبے کا معائنہ کر رہے ہیں۔

غزہ سٹی کے الشفاء اسپتال میں اسرائیلی فضائی حملوں کے دوران زخمی ہونے والے فلسطینی زمین پر علاج کے منتظر ہیں۔

ایک فلسطینی ماں اپنے 6 سالہ بیٹے مجد احمد کی لاش اٹھائے ہوئے ہے، جو اسرائیلی فضائی حملے میں شہید ہوا۔ یہ دلخراش منظر غزہ کے الشفاء اسپتال میں دیکھا گیا۔

ایک فلسطینی بچہ رات گئے اسرائیلی حملے کے بعد وسطی غزہ کے علاقے نصیرات میں تباہ شدہ گھر کے ملبے سے ایک گدا (میٹریس) نکالتا ہوا۔

فلسطینی باپ غزہ پر اسرائیلی فضائی حملے میں شہید ہونے والے بچے کے غم میں نڈھال ہے۔ یہ دلخراش منظر الشفاء اسپتال کے مردہ خانے میں پیش آیا۔

ہفتے کے روز کم از کم 110 فلسطینی شہید ہوئے، جن میں 34 وہ افراد شامل ہیں جنہیں غزہ کی پٹی میں واحد فعال فوڈ ڈسٹریبیوشن سینٹر کے قریب گولیاں مار کر شہید کیا گیا۔

شمالی شہر بیت حانون بھی اسرائیلی حملے کی زد میں آیا۔ اسرائیلی فوج نے شہر کے شمال مشرقی حصے پر تقریباً 50 بم گرائے۔

دیر البلح میں بمباری کے دوران جاں بحق ہونے والے اپنے عزیزوں کے جنازے میں شریک غمزدہ افراد