ایشیا کپ 2025 میں پاکستان اور بھارت کے ہونے والے میچز کی ممکنہ تاریخیں سامنے آگئی ہیں، یہ میچز نیوٹرل وینیوز پر کھیلے جائیں گے۔

بھارت کی میزبانی میں ہونے والا ایشیا کپ نیوٹرل وینیو اور ٹی ٹوئنٹی فارمیٹ میں کھیلا جائے گا، ایشیا کپ کیلئے نیوٹرل وینیو متحدہ عرب امارات کو رکھے جانے کا امکان ہے۔

مزید پڑھیں: پاکستان ون ڈے رینکنگ میں دوبارہ ٹاپ پر آگیا، بھارت ایشیا کپ جیت کر بھی دوسرے نمبر پر موجود 

بھارتی میڈیا کا بتانا ہے کہ ایشیا کپ 4 یا 5 ستمبر سےشروع ہو سکتا ہے جس میں  پاکستان ، بھارت، افغانستان، بنگلادیش، سری لنکا اور یو اے ای کی ٹیمیں کھیلیں گی۔

بھارتی میڈیا کے مطابق ایشیا کپ میں گروپ مرحلے کا پاک بھارت ٹاکرا 7 ستمبرکو دبئی میں ہوگا، پاکستان اور بھارت کے درمیان سپرفورکا میچ 14 ستمبر کو ہونے کا امکان ہے جب کہ ایشیا کپ کے دوران پاکستان اور بھارت کم از کم دو مرتبہ سامنے آسکتے ہیں۔

 بھارتی میڈیا کا مزید بتانا ہے کہ ایشیا کپ کا فائنل 21 ستمبر کوکھیلا جائےگا۔