پاکستان اسٹاک ایکسچینج میں کاروباری ہفتے کے دوسرے روز بھی زبردست تیزی کا رجحان جاری ہے، آج دن کے آغاز پر مارکیٹ ٹریڈنگ کے دوران 250 پوائنٹ کا اضافہ ہوا۔

اس وقت بینچ مارک ہنڈرڈ انڈیکس 250 پوائنٹ اضافے کے ساتھ  ایک لاکھ 33 ہزار 620 پوائنٹس کی سطح پر ٹریڈ کررہا ہے۔

یاد رہے کہ نئے مالی سال 2025-26ء کے آغاز کے ساتھ ہی بازارِ حصص میں غیر معمولی سرگرمی دیکھنے میں آ رہی ہے، سرمایہ کاروں کے اعتماد میں واضح اضافہ ہوا ہے، جس کے نتیجے میں مارکیٹ نے تیزی کی نئی بلندیوں کو چھونا شروع کر دیا ہے۔

یہ بھی پڑھیں: پاکستان اسٹاک ایکسچینج کا تاریخی آغاز، نیا مالی سال نئی بلندیاں لے آیا

معاشی ماہرین کے مطابق یہ بہتری حکومتی مالی پالیسیوں، آئی ایم ایف پروگرام میں پیش رفت اور بیرونی سرمایہ کاری کے امکانات میں بہتری کا نتیجہ ہے، جو مارکیٹ میں نئے اعتماد کا باعث بن رہی ہے۔

گزشتہ روز انڈیکس 1 لاکھ 33 ہزار 370 پوائنٹس پر بند ہوا تھا۔