پاکستان اسٹاک ایکسچینج نے کاروباری ہفتے کے دوران تاریخی سنگ میل عبور کرلیا، اس 2,350 پوائنٹس اضافے کے ساتھ 100انڈیکس 131,949 سے بڑھ کر 134,299.76 پر پہنچ گیا۔

کاروباری ہفتے کے دوران 100 انڈیکس کی بلند ترین سطح 134,931.96 رہی، جبکہ کم ترین سطح 134,130.40 رہی، اس طرح مارکیٹ نے تین نفسیاتی سطحیں (132k، 133k، 134k)  کیں۔

مزید پڑھیں: اسٹاک مارکیٹ میں نئی تاریخ رقم، 100 انڈیکس نے ایک اور سنگ میل عبور کرلیا

مارکیٹ کیپٹلائزیشن میں بھی خاطر خواہ اضافہ ہوا، KSE‑100 کی مارکیٹ ویلیو 3.94 ٹریلین روپے تک پہنچی، جو گزشتہ ہفتے 3.58 ٹریلین تھی، اس طرح غیر ملکی سرمایہ کاری اور مضبوط معاشی آرڈرزنے مارکیٹ میں تسلسل پیدا کیا ۔

تجارت کے حجم میں اضافہ دیکھا گیا جہاں 220 کمپنیوں کے حصص کے نرخ بڑھے اور 228 میں کمی آئی، کل 477 کمپنیوں میں سے 55 فیصد حصص مثبت رہے، جبکہ 29 مستحکم رہے۔

ماہرین کا کہنا ہے کہ بینکنگ سیکٹر میں منافع کی رپورٹیں، مالی شعبے کی اچھی کارکردگی، اور ترسیلات زر و زرمبادلہ ذخائر میں اضافے نے سرمایہ کار اعتماد کو مستحکم کیا، جس کے نتیجے میں مارکیٹ ایک نئے بلند ترین مقام تک پہنچی ۔