ویسٹ انڈیز اور آسٹریلیا کے درمیان جاری ٹیسٹ میچ اس وقت دلچسپ رخ اختیار کرگیا، جب ایک کتا مٹرگشت کرتے ہوئے اسٹیڈیم میں داخل ہوگیا۔

نیشنل کرکٹ اسٹیڈیم گرینیڈا میں آسٹریلیا اور ویسٹ انڈیز کے درمیان جاری ٹیسٹ میچ کے دوسرے روز کا کھیل جاری تھا کہ اسی دوران کتا اسٹیڈیم میں داخل ہوگیا۔ کتے کی دخل اندازی کی یہ ویڈیو دیکھتے ہی دیکھتے وائرل ہوگئی۔

کتے کے گراؤنڈ میں داخل ہونے کی وجہ سے کھیل کچھ دیر رُکا رہا، ڈرون کیمرے سے کتے کو گراؤنڈ سے باہر نکالنے کی کوشش کی گئی۔

مزید پڑھیں: نوجوان انگلش وکٹ کیپر بلے باز نے ٹیسٹ کرکٹ میں نئی تاریخ رقم کردی

واضح رہے کہ آسٹریلیا نے دوسرے روز کھیل کے اختتام پر 2 وکٹوں کے نقصان پر 12 رنز بنائے ہیں۔

ویسٹ انڈیز کی ٹیم پہلی اننگز میں 253 رنز بنا کر آؤٹ ہو گئی تھی اور آسٹریلیا نے اپنی پہلی اننگز میں 286 رنز بنائے تھے۔

گزشتہ دنوں سری لنکا اور بنگلادیش کے درمیان پہلے ایک روزہ میچ میں خطرناک سانپ گراؤنڈ میں آگیا تھا جو دیکھنے میں کئی فٹ بڑا تھا، سری لنکا کے گراؤنڈ پر سانپ کے داخلے کا پہلا واقعہ نہیں ہے۔

سری لنکا میں سانپوں کی بڑی تعداد پائی جاتی ہے جو کھیلوں کے اکثر مقابلوں میں نظر آتے ہیں۔