تاجکستان سے تعلق رکھنے والے 21 سالہ سوشل میڈیا اسٹار و گلوکار عبدو روزق کو دبئی انٹرنیشنل ائیرپورٹ پر مبینہ طور پر چوری کے الزام میں گرفتار کر لیا گیا ہے۔

عالمی میڈیا کے مطابق وہ جمعے کی صبح مونٹی نیگرو سے دبئی پہنچے تھے جہاں انہیں صبح تقریباً 5 بجے سیکیورٹی فورسز نے حراست میں لے لیا گیا۔

مزید پڑھیں: فواد اور ہانیہ کی اسکرین کیمسٹری نے سوشل میڈیا پر دھوم مچادی

ان کے خلاف مخصوص نوعیت کا الزام فوری طور پر واضح نہیں کیا گیا، تاہم ان کی ٹیم نے تصدیق کی ہے کہ یہ گرفتاری چوری کے شبے پر ہوئی ہے، لیکن مزید تفصیلات فراہم کرنے سے گریز کیا گیا ہے۔

دبئی حکام کی جانب سے بھی اس معاملے پر کوئی باضابطہ بیان جاری نہیں کیا گیا ہے۔

مزید پڑھیں: پُراسرار آسمانی شے، خاتون کی ویڈیو نے سوشل میڈیا پر ہلچل مچا دی

عبدوروزق گروتھ ہارمون کی کمی کے باعث صرف تقریباً 100 سینٹی میٹر قد کے ہیں اور وہ دبئی میں گولڈن ویزا پر کئی سالوں سے مقیم ہیں۔

سوشل میڈیا اور ریئلٹی شو “بگ باس 16” میں شرکت کے بعد ان کی شہرت ایشیا میں بڑھ گئی تھی، لیکن اس واقعے نے ان کے مداحوں میں خاصی تشویش پیدا کی ہے۔