وسطی ایشیا کے مسلم اکثریتی ملک قازقستان میں عوامی مقامات پر ‘نقاب’ کرنے پر پابندی عائد کر دی گئی ہے۔

خبر ایجنسی کے مطابق قازقستان کے صدر  قاسم جومارت توقایف نے پیر کے روز عوامی مقامات پر چہرے کو چھپانے والا لباس پہننے پر پابندی کے بل پر دستخط کردیے۔

مزید پڑھیں: تیونس میں خواتین کے نقاب پر پابندی عائد

قازق صدر کی جانب سے دستخط شدہ بل میں کہا گیا ہے کہ چہرے کی شناخت میں مداخلت کرنے والے لباس پر عوامی سطح پر پابندی عائد کی جائے گی۔

یاد کہ رہے قازقستان سے قبل  وسطی ایشیا کے کچھ دیگر ممالک بھی خواتین کے نقاب یا حجاب پہننے پر  پابندی عائد کرچکے ہیں۔

سال 2024 میں مسلم اکثریتی ملک تاجکستان میں بھی سرکاری طور پر حجاب پر پابندی عائد کردی گئی تھی جب کہ اس سے قبل ازبکستان اور کرغزستان میں بھی اس طرح کی پابندیاں عائد کی گئی ہیں۔